香港新浪網 MySinaBlog
« 上一篇 | 下一篇 »
natchan | 22nd Aug 2007 | 搬新屋 | (1566 Reads)

之前係網上見到有間叫Home Work Interior的室內設計公司,見佢地裝修過的單位不時出現於雜誌,係網頁又會解答查詢,於是上星期四約左appointment。

原本個appointment係星期二的,不過個designer病左改星期四。約7點半個designer又塞車,差不多成8點先開始傾。

個designer都好爽朗,唔似某d designer咁扮勁。雖然佢遲到,但佢都幾generous,俾左好多意見俾我地,唔似果間黑店Majestic咁收埋收埋d資料好似有寶咁。見同佢咁好傾,佢又話budget同schedule都應該唔大問題,我同w兩個都好大期望,好想俾個job呢間公司做。個designer應承左星期一會俾報價我地,雖然心中有點納悶報價都要咁耐,我們都唯有耐心等。點知星期一無影,星期二打佢手提留言,之後覆返話今朝會有,點知又令我地失望。再打去又係留言,於是講低話今日無回覆就唔考慮佢地,而到呢一刻都無搵我地,咁即刻拉倒啦!其實報價要幾耐?阿妍個daddy半日就報到啦!連咁小事咁dump咁耐,俾間屋你整果陣容乜易delay?都唔知係咪嫌我地單野細。如果真係要加錢咪出聲囉,最嬲真係side我時間,激死我啦!!哼,等天生有藝性天份嘅天秤座親自出馬啦!


[2]

John, 剛剛才在網上見到你這篇回應, 而我也是這找她裝修, 在落訂前她很有心機聽我們的要求, 給了很多意見, 也回答了我們的問題, 也千叮萬囑要3個月內完成, 她還說沒問題2個半月應可起貨, 3個月是她"預多了"的. 但一落訂後便開始出現問題, 這5個月裡, 工程斷斷續續, 大部分時間是自己勁追她才肯出一兩張圖, 圖也是外行人也看得出錯誤百出的, 連裝修師父也向我埋怨跟本找不到設計師, 他們唯有問我意見和他們自己拿主意去做吧, 而結果兩個月後師父也停工, 聽說是錢銀問題, 期間也有最少一個月設計師完全失蹤, 同事說她不是病了便是上了大陸, 連律師信出了也沒也用, 就是沒有人開工, 最後忍受了5個月後正實爛尾, 當中多付了的訂金也用上3個多月才能收回. 自己也很後晦為何信有線電視節目介紹, 要找了這樣的設計師, 當初何不乾脆自己找裝修師父算吧. 好彩最後經朋友介紹遇上好的裝修師父後用多個半月便全部完工, 人家個半個月能做到的事情, 真不知她為何要拖這麼久, 累人累物.... 很認同你: "這樣一間不專業的公司, 不負責任的設計師. 不應該讓它/她繼續欺騙別人. 各位想裝修的朋友, 請小心這間公司及設計師."


[引用] | 作者 Ricoba | 10th Mar 2011 | [舉報垃圾留言]

[1] Home Work Interior

是one man band. 設計師Priscilla Hung最會信口開河, 什麼都說一定得, 但什麼都做不到.

我看過有線電視介紹, 找Priscilla Hung裝修. 她承諾工程3個月內完成, 結果做了8個月. 期間停了工, 斷斷續續. 毫無設計可言, 又無計劃, 什麼都見步行步, 手工馬虎, 木工用料差. 最火滾是找不到她, 經常不聽電話, 留口訊又沒有回覆. 最慘是埋不到尾. 又無提供執漏工程. 什麼都不管. 金錢和時間同樣損失.

這樣一間不專業的公司, 不負責任的設計師. 不應該讓它/她繼續欺騙別人. 各位想裝修的朋友, 請小心這間公司及設計師.


[引用] | 作者 John Lam | 20th Jan 2011 | [舉報垃圾留言]