香港新浪網 MySinaBlog
« 上一篇 | 下一篇 »
natchan | 12th Aug 2007 | 搬新屋 | (4935 Reads)

新居籌備工作如火如荼,聽不少日推薦返大陸買傢俬同燈,款式新又平香港一大截。所以今日同w去深圳探一探路。

本來約左同ava一齊上去,點知我地搞錯左日子,所以上個禮拜佢自己同男朋友仔上去,哈哈!

一出火車站就唱錢(個rate越來越差,港幣真係賤),然後跳上的士去寶安北路間好百年。之前上好百年的網站看過,以為是一間好大的megastore,原來現實似一個有好多傢俬舖的商場,有d似深圳版emax家居博覽館。d傢俬都算靚,不過好多都好大件,唔多啱我間屋仔,而且價錢都幾貴,除非可以講到半價,否則係香港造都得。好百年隔離就係香江家具城,個格局似好多間實惠咁,行左兩層已經放棄,轉戰藝展中心。藝展中心有d似craft market,每間舖唔大,乜都有d,好似燈、相架、茶壺之類,行左一陣無野合心水,於是搭的士去下一站田貝四路。

田貝四路係極多港人推介的區域,有各類家居裝修店舖如瓷磚、潔具、燈飾同窗簾。呢度同寶安北路果頭唔同,果邊係大型商場多,呢邊就多一間間地舖。有d質素都ok,不過唔係非常靚,又熱又濕,行左半個鐘度已經投降,去丹桂軒飲下午茶。

行左半日,結論係留返係香港買罷啦!深圳可能有靚貨,不過真係太多舖,尋寶的過程太累人了。我們的屋又不是大,省不了多少錢,不如省省車錢同腳骨力啦...........